Di çareçoveya xurtkirina rola civaka sivîl di pêşxistin û geşedayîna civakên xwecih ên li bakur û rojhilatê Sûriyeyê de, her wiha ji bo peyitandina demokarsîyê bi rêya beşdarkirina civaka sivîl da ku rola xwe ya çavdêrane li ser pergalên hukimdarîyê bilîze; li Reqa, Dêra Zorê û Qamişloyê runiştinên gutûbêjê pêk hatin. Di van rûniştinan de reşnivîsa peymana civakî hat gotûbêjkirin û di encama wê de gelek qewîtî derketin ku dê di komcivîneke berfireh de ku dê nûnerên komeleyên civaka sivîl û berpirsên Rêveberîya Xweser a bakur û rojhilatê Sûriyeyê bihewîne de, werin pêşnîyazkirin.
Rûniştinên gotûbêjê yên ji bo pêşxistina reşnivîsa peymana civakî, li bajarê Tebqayê di 24’ê tebaxa 2022’an de, piştî wê li bajarê Qamişloyê di 25’ê tebaxa 2022’an de û piştre jî li Dêra Zorê di 24’ê tebaxa 2022’an de, bi beşdarbûna 17 nûnerên civaka sivîl (jin û mêr), çalakvanin sivîl û tîma teknîkî, hatin lidarxitin. Rûniştin ji alîyê endamên encumena rêveberîyê ya Hevbendîyê hatin destpêkirin, tê de bi xêrhatina beşdara kir û mijara rûniştinan diyar kir; ku armanca wan derxistina lîsteyeke qewîtîyan e; da ku ji komîteya di ber amadekirina peymana civakî de berpris e re, were pêşkêşkirin. Her wiha ev peymana civakî xêzên qalind in û piştî wê danîna zagon, rêzik û lîsteyên hundirîn tên rêzkirin û amadekirin. Piştî wê jî hêsankar xwe da nasîn û di navbera beşdaran de hevnasîn dest pê kir; piştre bendên peymana civakî yek bi yek hatin gotûbêjkirin û li gor wê jî qewîtî hatin danîn.
